為了沖喜一下，我在周二決定為公司的電腦換個醒神wallpaper。
但決定來得太突然，我只好在當日立刻成立緊急應變小組，商討用甚麼wallpaper好。
身為影迷的我：找電影海報或劇照吧。
身為主持人的我：心愛的電影太多了，找那一套？
身為Johnny Depp粉絲的我：找有Johnny Depp的那些吧！
身為主持人的我：電腦旁已放了三張他的照片了，再放會很發姣。
身為Bleach粉絲的我：那麼選Bleach吧！
身為主持人的我：桌上已有十九個Bleach的公仔了，上次老細經過，問「展覽館牙？」，已經無言以對，wallpaper也換上Bleach的話，萬一他經過時問「主題樂園牙？」，便又再無言以對了。
經過連日的爭論後，緊急應變小組總算達成共識，用這幅圖：
這是我數星期前在漫畫店看第九期《新世紀福音戰士》(EVA)漫畫時看到的跨頁彩圖，當時簡直是怔住了。
畫中的色彩、構圖、那隻黑貓，都跟富有神秘感的渚薰融成一體。而且，驟眼看上去，渚薰好像長了翅膀一樣，很配合他那「使徒」（天使）的身份。
近年看動漫時，都偏愛騎呢大叔，對渚薰這類美少年沒甚麼興趣（看來我老了）。但看EVA的動畫時，可能因為對真嗣太有共鳴吧，不知不覺間把自己代入了角色，亦因此對於讓真嗣敢於打開心扉的渚薰很有好感。
可能因為我跟真嗣一樣，同樣軟弱。
不過，故事中的真嗣只有15歲，而我已經2X歲了。
另一個不過，我找不到這幅圖的精美版本，只找出人家scan自漫畫的彩圖，質素太差，做不了wallpaper，緊急應變小組需要再選另一幅。
又另一個不過，以緊急應變小組目前的討論進度，相信到假期終於來臨那天，都未必決定到用甚麼wallpaper。
12 comments:
點解唔諗下lord of the ring 既 ?
兒童期結束越來越晚, 老年期開始越來越早.
的確你老了, 才二十出頭, 老氣橫秋? :P
今月的無邊吹水會, 晚上吃飯能來嗎?
我要考試考到五時，來不了吹水會。
剛好, 考完試來吃晚飯正好.
(強人所難)
謝謝你的邀請呢，但我還是不來了。吹水會又不是甚麼飯局，我只是來吃飯的話實在太騎呢。
其實是我想約你吃飯......
(嚇死未?)
林時拉夫斯基：
你好嗎？又係我。你寫野真係好出類拔萃，你d文我睇幾次都仲係覺得好好睇。上次果條掬香齋主人平時「非三代兩漢之書不觀」，好少讚d未死嘅人，連呢挺人都話你寫得有趣味，我諗你真係要反省一下，自己係咪應該要囂張少少至0岩。當然，你又唔好咁快囂到連船山先生都唔俾面。得罪左船山，新春秋照你唔住喎。你要食飯，我要食飯，你做乜拒絕我呀？
嘩，做咩我o既「鍾戲十足」變左做「鍾吃十足」，變左個約食飯o既blog？我呢個blogger真係要檢討o下，睇o下係咪有需要重新定位．．．
你地唔介意o既話，都可以考慮o下，飯局點樣加多個位。
首領：
自從你踢左我入會，繼而通緝我之後，我都唔知仲信唔信你講o既野好～～～
林時拉夫斯基，是否很後悔加入吹水會呢？竟然招來一批「狂蜂浪蝶」......
恐怕呢d唔係咩「狂蜂浪蝶」，而係一個「誘騙未成名笑女」組織。
我勁驚我ｄ朋友黎睇我個blog時，以為我做咩咁睇唔開，一把年紀仲走去o係網上結交損友。
林時拉夫斯基:
你係果種怕自己叻嘅人，因為你驚而家叻，以後可能keep唔番咁好，於是心中就大叫：「如果第日寫唔番點算呀？」(請配上《食神》中薛家燕嘅表情同音調)
所以我而家唯有咁講，係，我昆你咋，掬香齋主人其實都係我扮嘅，而家你可以講：「幻覺嚟嘅姐，你嚇我唔到嘅！」
Post a Comment