3/22/2008

英文名

剛才家裡某小學生說:「老師改咗我英文名做Harry。」
我:「Harry Potter?」
母:「你得閒幫佢諗個英文名啦。」
我:「吓...?」
母:「最好唔好John呀Peter呀就街都係嗰d,但又唔好太繞口。」
我:「佢咁貪錢,叫Money啦。」
弟:「我要叫PS3!」
我:「叫Xbox吖笨。」
弟:「我要叫PS3 Lam!」
母:「白痴,第日你大咗,PS3唔興嗰陣你就嫌個名leung啦。」
弟:「咁到時改名做PS4!」
我:「你都係叫Money把啦,包唔過時。」
弟:「我要叫Honey!實好易拍拖!」

好易拍拖???

母:「想個個女仔都叫你honey?你就想!」

果然知子莫若母。

3/18/2008

給可能令我後悔的友人和可能後悔的我

一個月前:在舊同學聚會上,買樓、投資之類的話題完全搭不上嘴。

三日前: 在另一個舊同學聚會上,得悉自己有幸角逐同屆同學收入排行榜倒數第一位

昨天: 突然出現脫離榜末位置的機會。

今天: 放棄了機會。


可能是因為我和全霉的孽緣吧,到目前為止,我沒有後悔。所以請各位不要對我說甚麼可能令我後悔的話。謝。

如果將來我對你說我後悔的話,請把這篇文的link send給我。再謝。