8/10/2006

我唔係電車男

話說去年第一次去漫畫展,幾乎被一眾一窩蜂踴去獵食的雄性動物擠死,於是決定今後不會再去。

豈料今年不單去了,還是第一天去,為的是《DEATHNOTE》及《BLEACH OFFICIAL CHARACTER BOOK》。

又豈料,《BLEACH OFFICIAL CHARACTER BOOK》原來未及出版。

結果,買不成$48的《BLEACH OFFICIAL CHARACTER BOOK》,心情低落,被邪靈乘虛而入,電車鬼上身,買了兩舊幾水的figure。



回到家中,驚覺自己在邪靈附身下做出如此敗家的行為,輾轉不安。

其後連續幾天也在怨自己敗家,心情又再低落,邪靈又欲乘虛而入。與之大戰數百個回合,還是按捺不住,去了信和,發現當天的敗家收鑊出了第二集。



就在電車鬼正要上身之際,我默念咒語:「我唔係電車男,我唔係電車男...」結果暫把這邪靈擊退。

邪靈不忿,行動升級,讓我在網上看到這些:



這些都是《Bleach》內的死神服飾,是唯一令我有cosplay衝動的型爆打扮。









但畢竟,像我這樣的阿禪,對cosplay是敢想而不敢做,於是電車鬼便使出絕招:



是曾出現在漫畫內、但穿戴上街亦不會令人側目的衣飾呀~~~





我唔係電車男!我唔係電車男!我唔係電車男!(喬峰「我唔係契丹人」式咆哮)




圖片來源:(第三幅圖起)
死霸裝:伊賀流忍者店
隊長陣羽織:LaLaBit Market
護廷十三隊副官章:Bandai
浦原商店服飾(圖六至圖七):LaLaBit Market

希望有日本朋友/就黎去日本o既朋友/有朋友o係日本o既朋友可以幫我買啦~

3 comments:

楊韋言 said...

下次吹水會一齊cosplay :p

Anonymous said...

敗家呢樣野好個人既,我大學時曾經想買軟硬的白板碟,但當時價值$500,買唔起,打算畢業後第一份糧就去買,點知出糧時已經唔見了間鋪,而家無限侮恨,所以真係想要就好買,千金難買心頭好,若果唔係,'蘇州過後無艇搭',變成'此恨綿綿無絕期'就慘了!

林時拉夫斯基 said...

earl:
去邪教組織,仲要cosplay?我唔想提早入青山~

cr2superlover:
最弊我o既物慾太強,下下都驚蘇州過後無艇搭而買,我會破產~