亂

唔好誤會，呢篇唔係寫黑澤明套亂，甚至根本唔係寫戲。

過去ｏ既一個多星期，係咁睇睇睇睇，撞鬼，真係得個睇字，睇完又寫唔切，仲慘過讀書ｏ個陣趕功課，話晒ｏ個陣唔夠時間用可以走堂～～～依家就ｌｅａ咁ｈｅａ～（呢個人一唔用書面語就亂用字～）

雖然話「福無重至」，但對上呢個禮拜ｄ福真係浪接浪，除左一套又一套ｏ既電影之外，仲有友人仗義借出的梁祝下世傳奇DVD，太喜歡太喜歡了！好心急想寫低ｄ感想，但仲有起碼十套戲未寫，甲乙丙丁戊己庚套套都想寫，唯有ｏ係公司陰ｄ陰ｄ時間逐套寫，求神拜佛自己ｄ老人痴呆唔好再惡化，ｄ戲好多都睇唔番，腦裡面唔見左ｄ片段就真係一去不復還。（又懶，唔用紙寫住先，人真係犯賤）

睇hocc hompy，先知《化蝶》同《勞斯．萊斯》ｏ既ｍｔｖ係麥婉欣拍，仲要背後係有意思，突然好想睇，但無理由無端端自已去唱ｋ～

未有得睇ｍｔｖ，唯有ｏ係屋企反覆播住舞台劇版ｏ既DVD先，播呀播呀播，仲要為左唔好俾細佬搶左個電視，揀ｄ佢會有興趣ｏ既片段引誘佢一齊睇，於是就一路播住周國賢做拱橋，一路加鹽加醋：「哥哥係咪好叻呢？」不過我都未至於喪盡天良，都有提醒呢個家中小朋友切勿模仿。

如果無左做電影節同梁祝下世傳奇ｏ既ｏ個班熱心人士，我過去ｏ個個幾禮拜唔會過得咁開心，真係非常非常感激佢ｏ地!

我都要俾心機，寫寫寫寫寫．．．