11/11/2006

《日本動畫五天王》之庵野秀明

話說某天逛書店,發現了《日本動畫五天王》一書。封面所列的「五天王」,是宮崎駿、富野由悠季、押井守、庵野秀明及大友克洋。

我對宮崎駿及大友克洋沒有太大興趣,又不知道富野由悠季是誰(後來才知道他是「Gundam之父」,我真是孤陋寡聞!),「五天王」對我來說,只剩「兩天王」,但已足以讓我興奮地拿起這本書細閱。

押井守的《Ghost in the Shell》及庵野秀明的《EVA》,同樣令我留下深刻印象,論啟發性的話,上承《Blade Runner》、下啟《Matix》的《Ghost in the Shell》甚至更勝一籌,但由於我近期才剛剛翻看了EVA,加上漫畫、模型、原聲大碟等周邊產品令我的EVA熱尚未退減,所以我還是先看庵野秀明的部分。

庵野秀明的事跡我早已略有所聞,但所知的遠不及此書所述般詳細,所以看的時候也津津有味,尤其是他跟GAINAX公司仝人發揮御宅精神的趣事,更是令我熱血非常。





我懶於打字,所以索性把原文貼出來。原本只打算貼熱血的「A面」,但scan的時候,卻把較傷感的「B面」也scan了。雖然論對動畫的熱誠及認識,我算不上是御宅,但那份「OTAKU」的悲哀,我倒是有點感同身受,既然scan了,便順道貼出來吧,反正自我沉溺與自我隔絕,本來就是密不可分的。

同場加映:給我這個爸!

17 comments:

你的粉絲 said...

林太,

如果有個咁的老爸就好啦...失業仲有錢帶你上電影院,仲要餓唔死...嘩哈哈...教我睇戲果個係史sir,當年比人誤會我係佢個女,迫不得已之下佢叫我 "史女"...算唔算係半個爸?

喂...你今日留左言未呀?

你的粉絲

林時拉夫斯基 said...

有史sir做你半個爸,你咪執到lor,史sir除左借左隻Letter from an Unknown Woman俾我之外,就無其他親密接觸喇~

你知我最鍾意拖,你俾我拖耐d先留言啦~

史女 said...

咦....一個陌生女子的來信?? 之前有外國版的嗎? 我都唔知喎...史佬...唔借比我??

林時拉夫斯基 said...

有呀,1948年拍左美國版
係o個次行完山佢借俾我同卡卡
唉,越講越掛住佢,同埋掛住當年個個星期睇佢播片o既日子~

「卡卡」=_= said...

係啊
仲掛住佢個亂office、唔識用電腦就爆德文粗同埋「尋~晚夜~」電話鈴聲

雖然有時星期六下晝的堂
食飽舊can叉燒飯我會瞓著
但係睇佢播片係令我十分「開眼」的

感謝各位介紹呢個佬俾我識

林時拉夫斯基 said...

卡卡:
爆德文粗呢招又幾絕wor,我唔識德文,佢爆左我都唔知。

當年星期六朝早十點半sit佢堂,o個陣我覺得八點半起身好吃力,所以成日都遲到,依家諗番起,梗係個天要懲罰我當年太懶,依家要我返一份五點起身o既工~~~

我仲記得睇完Letter from an Unknown Woman,我地去佢房傾番同戲,佢書架度有《脂肪球》,佢問我地睇唔睇,你答佢:「我已經有好多。」

又記得佢播片遇到機件故障時,跑上跑落的狼狽,同埋奔波之後的招牌撥頭髮動作,仲有招牌「嘿嘿嘿」笑聲。(例子見http://minas-tirith.blogspot.com/2005/05/alain-delon.html)

我都多謝大家陪我一齊迷戀呢個佬啦!

pre上海post北歐龜 said...

嘩哈哈哈...我同卡卡講起做返個"懷念史文鴻"特輯。招牌撥頭髮姿勢真係攞我命三千~killing me softly~我同佢的"邂逅"係因為9月1日我成為佢第一個早到的學生。我早左半個鐘到L課室,佢的堂係我大學的第一課。當時佢問我:咁早到呀?"嘻嘻嘻"笑聲。我當時仲未知佢就係史文鴻,佢亦都唔知我姓史。然後有一次佢要循例點名,(為左符合唔知邊條茅理的規定)佢叫我個名,又"嘻嘻嘻"咦...好少人姓史喎...你係我第一個同姓的學生。之後佢就記得我lu...我記得問佢考試係咪一定要用英文答卷,佢好有火咁講...痴線唔洗理上面的人講野..佢地傻既!你自己鐘意用中文英文答都得~我用中文答...就係咁摘左大學史上唯一一條A!!!史sir果然助你摘A!!!哈哈哈...跟住落黎的故事..大家都知~

卡卡 said...

佢爆「嘥蛇」Scheiße 即係自己同個女個姓…勁型…爆咗都冇冒犯到人 / 席上無人覺得/知道有人爆粗而被冒犯得嚟又抒發到自己強烈嘅情感

唉冇左sit堂呢件事之後
好似冇咩嘢弄可以叫我(們)心甘情願早起
呼籲女同學準備流鼻血事件我都有目擊到
但最記得嘅係佢講「熱情如火」

講返你睇緊果本書
想睇大友克洋
但短期內唔會買書
有冇得外借?先謝了

林時拉夫斯基 said...

pre上海post北歐龜 :
"懷念史文鴻"特輯?做咩搞咩d咁大吉利是o既野?
我無同史sir"邂逅"啦,我sit堂時來無蹤去無影,唔係你,佢都唔會認得我。
史sir D火,我都仲記得,但呢單野唔知你知唔知:http://minas-tirith.blogspot.com/2006/03/v-for-vendetta.html

卡卡:
等我得閒作個俾自己發洩時用的粗口先~

係呀,sit堂真係一種好大o既推動力,當年讀「o靚襟」d垃圾科讀到個人頹晒,都係靠GE撐住,波波講到超晒時o既希臘文明、Anthony解釋點解我地要讀「world issues and human responsibilities」、David用自己兩夫婦的生活點滴引證「art of loving」、方華用邏輯符號寫的「謝霆鋒給王菲的情信」、鳳毛一臉陶醉地唱的「quizas, quizas,quizas」,當然仲有史sir播o既o個d令我泥足深陷的電影,全部都會令人o既心情由谷底反彈。
可惜依家已經無晒呢d情神食糧~

當然外借啦,我睇完借俾你。
係wor,你有無睇過Ghost in the Shell?我有vcd,你要唔要?本書都有講呢套動畫。

史女 said...

係啦...阿倫狄龍的"洛可與他的兄弟"真係睇到我流哂鼻血。天呀,點解有人生得咁靚仔架?我諗係阿倫狄龍引誘我睇黑白片,哈哈...史佬應該係"扯皮條"。我書架放的是阿倫狄龍同張國榮的照。佢地一個望左一個望右。今日睇左史佬响崑山大學網頁張相,我同卡卡响電話度笑死左,好想打比你一齊笑,不過你要瞓~哈哈哈...佢個樣勁無奈,似响地鐵站玩自動影相機無啦啦比人chap一聲影左,又似當年影身份証得一次機會...無得再影過。間野的staff的相..似劇照多過乜..勁好笑...上海灘譚耀文,補習天后,奪命追魂call,連你究竟想點個攝影師都唔知想點,坐响導演櫈等人dub骨咁款..講得太多...離哂題...喂不如我地每人寫的野send email比佢...因為~"不知相會在~~~何時"

卡卡 said...

史女:
買兇拍人有一場
阿bart同阿全將攝影機
綁喺啲被人買起咗嘅目標身上再追住佢哋
令佢哋起勢咁跑
你老豆個樣,就好似啲目標咁
面目吊詭地因為倉皇逃命而呆滯

另有一幕
係Bart對著獨行殺手海報
慨歎龍哥我真係服得你好交關
攞我命三千的
除了你老豆挽狂瀾式撥頭髮之外
還有un flic的阿倫狄龍同埋嘉-芙-蓮-丹-露:
http://www.youtube.com/watch?v=SMwWaoHZIRA

林太:
Ghost in the Shell? 好啊,有書又有碟,先謝過

波波是另一位個叫我倏然起勁的神話
鳳毛他們的投入都因為冇得sit堂而不復見
現在只能看他們的文章

因為我懶,所以我想send呢啲現成嘅字俾史女老豆
點知史女話有人怕出名
你返唔到轉頭啦
況且真情流露不必引以為恥
加上「二打六」(我qoute你咋吓)都出到名
足叫眾無名但心痕之人倏然起勁

Agnes said...

一個陌生女子的來信, 尚x房曾經有得買~

男主角, 趙完鬆, 正一衰佬!

林時拉夫斯基 said...

史女:
我睇到張相o個陣,都笑到死左,今朝見到你個留言,去睇多次,又爆笑,真係好彩我尋晚同今朝都唔係o係公司睇~
佢張相都唔知係學校影家係即影即有,如果係學校影,呢個media arts系好似無咩說服力,如果係即影即有,史sir見張相影成咁,又會收貨o既?唔通佢覺得滿意?定係佢慳家唔影多張?真係撲朔迷離...
「每人寫的野send email比佢」,哈哈,好呀,「三個陌生女子的來信」~
但咁耐無見,寫咩好呢...等我坐地鐵時諗下先,你係咪寫「謝謝你當我的扯皮條」?

卡卡:
呀!你用買兇拍人o個場黎形容,超貼切呀!史sir個樣真係好fit o個場戲!
我聽番彭浩翔同谷德超的旁述,先知o個d「被人買起咗嘅目標」全都有來頭ga,有金培達、阿泉(買兇拍人的剪接師)同埋某位本來無參與呢套戲但友情客串的本地導演...聽佢地d旁述真係知多好多拍攝趣事,你睇唔睇呀,我有DVD。
'Un flic'油伯有DVD,我都借過黎睇,但麻麻地鍾意劇情,"殺手無情"都係佢地做男女主角wor,你睇左未?
我唔介意你用呢d現成字,只係唔想你俾條link佢o者,copy&paste d字落word file得唔得呀?
夏金城同八兩金都出過名,但無令我倏然起勁啦~

另外,不如移師去史女o個度繼續傾啦,佢o個度有留言版。呢篇"《日本動畫五天王》之庵野秀明" 無啦啦有十幾個留言,就快係我最多留言o既一篇文,但全部都同篇文無關,太詭異了~

林時拉夫斯基 said...

agnes:
咦?你居然睇我地D閒話家常,哈,俾你見到我地 D無聊野tim~
係呀,我地位老師(即留言中的史sir/史佬),當年借呢套戲俾我地睇o既目的之一,就係俾我地睇下d男人有幾衰(呢句係佢自己講的)。

史女 said...

好呀...移師去我果度,等我多的人氣呀~我要紅~~~嘩哈哈~

卡卡 said...

講埋先講埋先
買兇拍人dvd我有
殺手無情都看了

等我過史女果邊寫信啦

Agnes said...

你唔怪我突然插入話題就好 :p

但Letter from an Unknown Woman係拍得唔錯. 尤其女主角明知無結果, 仍然偏要承受一切痛苦, 完全唔怪責男主角(咁又係... 佢曚盛盛地留情又留精), 就算死都要匿堆死. 除左怪個男人衰風流兼患上愛情失憶症之外, 仲可以點呢?

再講多少少,呢套戲既女主角鍾芳婷(Joan Fontaine)後生時同佢家姐Olivia de Havilland(亂世佳人的媚蘭表妹)鬥到七彩. 活脫脫係女版Sunshine Boys~