不知道是不是上班上瘋了，明明家裡未看的書書碟碟已經多得我失業一年也看不完，我昨天又發神經，買了一大堆回家。仿佛只要買了，我的人生便並非只有上班。
昨天買的其中一隻VCD，是一部叫《Stay》（彌留空間）的電影。對此片聞所未聞，但劇情簡介頗吸引，希望可以早日有空看吧。
患有心理病的藝術系高材生亨利，為了仿效一位畫家偶像，決意於自己21歲生日那天(即3日後)親自了結自己的生命，得悉此事後，他的心理醫生森誓要制止悲劇的發生。
在女友協助下，森得以將埋藏於亨利內心的秘密逐層逐層揭開。然而連串怪異現象陸續出現，森身邊的事竟然不斷重複發生、已死去的人卻再次出現這個世界，他更多番被誤認作亨利……。疑幻似真的一切，是虛假幻象，是另一異度空間，還是心理作祟？！
其實，昨天我除了買書買碟，還買了六合彩。可惜一個字也不中，今天還是繼續上班，未看的書書碟碟亦繼續堆積如山。
同場加映：
今天在公司跟友人msn，談到沒有時間看書但又繼續買書的問題。
友：我唔理，照買。
我：我尋日都係，好似癲左咁狂買。
友："我尋日都係，好似癲左咁狂買。"<--齋睇呢句，仲以為你講緊買手袋。
我：我都覺得自己好似d LV阿姐咁，悶悶不樂就走去買野發洩。
友：但人地買o個d可以揹上身。
我：咁你都可以揹袋書上身。
說到這裡，我又在公司陰陰嘴笑。
雖然只是仿佛，但也至少暫時緩和我的恍惚。
5 comments:
每次我買書回來，家人都會跳出來指着我的太陽穴：「又買？你係咪鬼上身呀？」新年時左冷禪來探望我，我見他在門外鬼鬼祟祟地徘徊，便大喝：「還不進來？想偷東西嗎？」他說：「不，我以為自己摸錯門呢。我記得以前明明有窗，為什麼現在只見到一排黑壓壓的東西，好像築起圍牆一樣？」「噢，我最近是多買了一點書，沒有嚇一跳吧？」
我最近都經常買書買碟。明明需要買衫買鞋，但卻老是提不起勁，看來我要把那些書書碟碟變成時裝貼上身。
me too la
最低死係買埋d自己睇唔明 o既書,一係長擺響書架舖塵,一係揭 o左兩頁擺番低就當自己睇左,仲要覺得自己好勁...
林妹妹,
你唔洗'劣'，我問十個人，十個都有呢個問題。
人天生都是購物狂，分別在於你是狂d咩既姐，我d fd 有句名言係 : 「你賺幾多都冇用，洗左既錢先至係你既錢」呵呵~
而我的情況比你嚴重得多，屋企e+ 兩個衣櫃都比我塞爆左，恐怖勢力已擴展到去我亞嫲，亞媽同細佬既衣櫃，我亞嫲成日哦我話起間祠堂比我都唔夠用，現在已發展到要去找迷你倉救命。
我的購物模式又真的好鬼「闊太」，夠膽死買衫買鞋買到 : 「我要呢隻款，有咩顏色 ? ... 全部要晒。」
去超市「掃貨」，係成車成車咁買，真係聽日開始打仗既話，三年都唔洗驚。
現在更離譜一個人買左5份保險，如果我死左，我屋企即刻變暴發戶添呀。
唉...我懷疑我極有可能比d「闊太」靈魂上左身，要搵人驅驅邪先得...呵呵。^^
Post a Comment